[171] ปริตฺตารมฺมณํ นเหตุํ ธมฺมํ ปฏิจฺจ ปริตฺตารมฺมโณ นเหตุ ธมฺโม อุปฺปชฺชติ นเหตุปจฺจยา (สํขิตฺตํ)ฯ

นเหตุยา ตีณิ, นอธิปติยา ตีณิ…เป.… นวิปฺปยุตฺเต ตีณิ (สํขิตฺตํ)ฯ

เหตุปจฺจยา นอธิปติยา ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

อารมฺมณ-อธิปติปจฺจยา

[172] ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย ฯ ปริตฺตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

มหคฺคตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มหคฺคตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

อปฺปมาณารมฺมโณ นเหตุ ธมฺโม อปฺปมาณารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย (สํขิตฺตํ)ฯ

[173] อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

อารมฺมณปจฺจยา นเหตุยา สตฺต (สํขิตฺตํ)ฯ

นเหตุปจฺจยา อารมฺมเณ สตฺต (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

14-1. หีนตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[174] หีนํ เหตุํ ธมฺมํ ปฏิจฺจ หีโน เหตุ ธมฺโม อุปฺปชฺชติ เหตุปจฺจยาฯ มชฺฌิมํ เหตุํ ธมฺมํ ปฏิจฺจ มชฺฌิโม เหตุ ธมฺโม อุปฺปชฺชติ เหตุปจฺจยาฯ ปณีตํ เหตุํ ธมฺมํ ปฏิจฺจ ปณีโต เหตุ ธมฺโม อุปฺปชฺชติ เหตุปจฺจยาฯ (3) (สํขิตฺตํฯ)

[175] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํ)ฯ

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ตีณิ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุ-อารมฺมณปจฺจยา

[176] หีโน เหตุ ธมฺโม หีนสฺส เหตุสฺส ธมฺมสฺส เหตุปจฺจเยน ปจฺจโย ฯ (1)

มชฺฌิโม เหตุ ธมฺโม มชฺฌิมสฺส เหตุสฺส ธมฺมสฺส เหตุปจฺจเยน ปจฺจโยฯ (1)

ปณีโต เหตุ ธมฺโม ปณีตสฺส เหตุสฺส ธมฺมสฺส เหตุปจฺจเยน ปจฺจโยฯ (1)

หีโน เหตุ ธมฺโม หีนสฺส เหตุสฺส ธมฺมสฺส อารมฺมณปจฺจเยน ปจฺจโยฯ หีโน เหตุ ธมฺโม มชฺฌิมสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

มชฺฌิโม เหตุ ธมฺโม มชฺฌิมสฺส เหตุสฺส ธมฺมสฺส อารมฺมณปจฺจเยน ปจฺจโยฯ มชฺฌิโม เหตุ ธมฺโม หีนสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

ปณีโต เหตุ ธมฺโม มชฺฌิมสฺส เหตุสฺส ธมฺมสฺส อารมฺมณปจฺจเยน ปจฺจโยฯ (1)